બ્રાઝિલમાં ૩૦ લાખ ગીર ગાયો છતાં એક પણ ભૂખી રખડતી નથી

બ્રાઝિલમાં ૩૦ લાખ ગીર ગાયો છતાં એક પણ ભૂખી રખડતી નથી
******************************************************************
ભારતમાંથી ક્રમશ ખરીદેલી ગીર અને ઓંગલ જેવી ઓલાદે ક્રાંતિ સજી
બ્રાઝીલના પશુપાલકો આ ભારતીય પશુધન માટે ગૌરવ અનુભવે છે
*******************************************************************
ભારતમાં ગાયના મુદ્વે દાયકાઓથી રાજકારણ ચાલે છે જયારે બ્રાઝિલમાં ભારતની ૩૦ લાખથી વધુ ગીર ગાયોએ તેના અર્થતંત્રને મજબૂત બનાવ્યું છે.૧૯૩૦માં દુનિયામાં ગ્રેટ ડિપ્રેશનનો સમય ચાલતો હતો ત્યારે બ્રાઝિલની ઇકોનોમી ખલાસ થઇ ગઇ હતી.તેની પાસે સારી ઓલાદના પશુઓ ન હોવાથી દૂધ ઉત્પાદન સાવ ઘટી ગયું હતું. આવા સંજોગોમાં ભારતમાંથી ક્રમશ ખરીદેલી ગીર અને ઓંગલ જેવી ઓલાદે ક્રાંતિ સર્જી છે.

ખાસ કરીને ગીર ગાય  દૂધ ઉત્પાદન અને ઓલાદ સંવર્ધન માટે હુકમનો એકકો સાબીત થઇ છે. બ્રાઝિલમાં ગીર ગાય ૧૦ લાખથી વધુ પરીવારોને રોજગારી આપે છે. બ્રાઝિલમાં ૩૪.૫ બિલિયન લિટર ગાયનું દૂધ ઉત્પાદન થાય છે તેમાં પણ ગીરનો સિંહફાળો છે. આથી જ તો બ્રાઝિલ ગાયનું દૂધ ઉત્પાદન કરતા દુુનિયાના ટોપ ૧૦ દેશોમાં સ્થાન ધરાવે છે.

ભારતમાં શુધ્ધ ઓલાદની ગાયો ઘટી રહી છે જયારે બ્રાઝિલ પાસે ગુજરાતની ગીર,કાંકરેજ અને આંધ્રપ્રદેશની ઓંગલ જેવી ગાયોની સંખ્યા વધી રહી છે.આથી એક સમયે શુદ્ધ ભારતીય ઓલાદની ગાયો બ્રાઝિલથી આયાત કરવી પડે તો પણ નવાઇ નહી. ભારતમાં આજે ગાયને નેતાઓએ રાજકિય મુદ્વો બનાવી  દિધો છે તેના સંરક્ષણ અને સંવર્ધનની ખોખલી વાતો થાય છે