સૌરાષ્ટ્ર ના સંતો

ધન્ય છે આવા સંત ને...    
             
                  જુનાગઢ

ઇન્દ્રભારતી બાપુએ દાનમાં મળેલી ૨૭ વીઘા જમીન રાજકોટના પરિવારને કેમ પરત કરી? જાણો
મેરાન્યૂઝ નેટવર્ક, જુનાગઢ: સૌરાષ્ટ્રની ભૂમિ એટલે સંતો-મહંતોની ભૂમિ, એમાય ગિરનારની તળેટી એટલે સંતો-મહંતોનું પિયર, આ ભૂમિ પર રુદ્રેશ્વર જાગીર આશ્રમના મહંતએ દાખવેલી દીલાવરીએ ભાવિક તો ઠીક પણ તમામ સંત-સમુદાય માટે પ્રેરણાના સ્ત્રોત બન્યા છે. દોઢ દાયકા પૂર્વે કીર્તિનો ચંદ્ર સોળે કાલે ખીલ્યો હતો તે શ્રીમંત પરિવારને આ સંત મહાત્માએ કરોડો રૂપિયાની દાનમાં મળેલી ૨૭ વીઘાનું જમીનમાં વિકસાવેલ ફાર્મ એ પરિવારને પરત કરી દીધી છે.

હકિકત એવી છે કે રાજકોટમાં ભક્તિનગર વિસ્તારમાં બંગલામાં રહેતા એક પરિવારમાં ધંધાની સાથે ધાર્મિક- આધ્યાત્મિક ભાવના પણ ભારોભાર ભરેલી, રાજકોટની આ કે. રશિકલાલ એન્ડ કંપનીનો બંગલો હમેશા સંતો મહંતોનો ઉતારો બનીને રહ્યો છે. ધંધાની આગવી સુજ અને ભગવાનની અસીમ કૃપાથી આજથી દોઢ દાયકા પૂર્વે આ પરિવારનો સિતારો બુલંદ હતો. ધન-દોલતની સાથે કીર્તિ અને નામના કમાયેલા આ પરિવારે જુનાગઢના રુદ્રેશ્વર જાગીરના મહંત ઇન્દ્રભારતી બાપુને વર્ષ ૨૦૦૪માં ગિરનારની ગોદમાં આવેલ ઘાંટવડ ખાતેની પોતાની ૨૭ વીઘા જમીન અર્પણ કરી હતી. જેમ સમય વીતતો ગયો તેમ ઇન્દ્રભારતી બાપુએ આ જગ્યાને આધ્યાત્મિક આશ્રમનું રૂપ આપી શ્રદ્ધા અને ભક્તિ અને અનુષ્ઠાનું પ્રતિક બનાવ્યું. બાપુએ આ આશ્રમમાં ૪૦૦ જેટલા આંબા ઉછેરી આંબાવાડી બનાવી. બાપુ દ્વારા આ જગ્યાએ કાયમ ભગવાનની આરાધના અને ભક્તોને આધ્યાત્મિક જ્ઞાનની જાંખી કરાવતા, જોત જોતામાં આ જગ્યા એક વિશાલ અધ્યાત્મિકતાનું કેન્દ્ર બની ગયું. સંતો-મહંતોની અમૃતવાણીની સાથે સાથે સંત આરાધના-સંતવાણી સહિતના કાર્યક્રમોથી આશ્રમ અવારનવાર ગુંજી ઉઠતો.

જેમ જેમ સમય પસાર થતો ગયો તેમ તેમ રાજકોટના દાતા પરિવારના ધંધામાં પણ ઓટ આવતી ગઈ. એક સમય એવો આવ્યો કે આ પરિવારનો ધંધો એકદમ મંદ પડી ગયો અને આર્થિક સંકડામણે અજગરી ભરડો લઇ લીધો. છતાં પણ આ પરિવારની દિલેરીભરી જીવનયાત્રામાં ક્યારેય ઉણપ ન આવી. રાજકોટના પરિવારની દારુણ સ્થિતિને લઈને ઇન્દ્રભારતી ભાપુએ એક મોટો નિર્ણય લીધો. તાજેતરમાં શ્રાવણમાસની પુર્ણાહુતી નિમિત્તે બાપુએ આશ્રમમાં અનુષ્ટાન કરી રાત્રે ભવ્ય સંતવાણીનું આયોજન કર્યું. આ કાર્યક્રમમાં રાજકોટનો પરિવાર પણ સહભાગી બન્યો. ભજનની રામઝટ જેમ બોલતી ગઈ તેમ ઉપસ્થિત ભાવિકો રસ-તરબોળ બનતા જતા હતા. ત્યાં ઇન્દ્રભારતી બાપુએ માઈક હાથમાં લઇ એક જાહેરાત કરી પ્રથમ રાજકોટના એ પરિવારની વર્ષો પૂર્વેની જમીનના દાનની દીલેરીને બાપુએ તમામની હાજરીમાં બિરદાવી, ત્યારબાદ ચડતી પડતીના કુદરતના ક્રમને જીવનનો ભાગ ગણી એ પરિવારે વર્ષો પૂર્વે જે લાખો રૂપિયાની ૨૭ વીઘા જમીન દાન કરી હતી તે જમીન બાપુએ પરત કરી રહ્યો છું એવી જાહેરાત કરી. સંતની દિલેરીભરી જાહેરાતને તમામ ભાવિકોએ તાલીઓના ગડગડાટથી વધાવી લીધી હતી. સંત ઇન્દ્રભારતી બાપુની આ દિલેરીએ સૌરાષ્ટ્રના સંતો મહંતોની અનેરી પ્રતિષ્ઠામાં વધારો કરી ચાર ચાંદ લગાવી દીધા છે.  ઇન્દ્રભારતી બાપુએ કરેલ આજાહેરાતને,,,,,,,

વાહ બાવલિયો વાહ.... જય ગિરનારી